Dit is vir die Menlobondbestuur, `n besondere voorreg om, namens al ons oud-Parkies en Vriende van Menlo, ‘n visuele tydlyn van ons pragtige skool se geskiedenis aan die skoolbestuur ter viering van 60 jaar te kan oorhandig . Die tydlyn, wat voor in die vierkant pronk, bevat ‘n oorsig van belangrike mylpale in die skool se geskiedenis, die ontwikkeling van die skoolwapen, Menlo-hoofde, hoofleiers asook DUX-leerders oor die afgelope 60 jaar. Ons is trots op ‘n ryk en diverse geskiedenis en voel bevoorreg om hierdie reuse mylpaal saam met die skool te kan vier.
