Daar bestaan al ‘n geruime tyd ‘n behoefte aan ‘n geleentheid waar ons oud-Parkies informeel bymekaar kom. Hierdie jaar was dit die ideale kans om ‘n geleentheid van so ‘n aard te skep.
Daar is Saterdagaand, 9 September, van vroeg tot laat lekker gebraai en gekuier by die eerste Oud-Parkie Kuierfees! Dit was ‘n reuse sukses! Dit was heerlik om te sien hoe daar oud-Parkies van omtrent elke dekade teenwoordig was.
Ons beplan om elke jaar so ‘n geleentheid vir ons oud-Parkies te gee om sommer net lekker informeel bietjie te kom kuier en op te vang.
Baie geluk aan RAYNO CROUS wat die bome van Huur-‘n-Vuur, in ons gelukkige trekking, gewen het. Geniet hom!
Ons sal graag van julle wil hoor wat julle sal geniet. Stuur gerus vir ons julle idees vir ‘n kuier na menlobond@menlopark.co.za.
